Mga Mandirigmang Mag-aaral ng Pamantasan ng Silangan sa Maynila at sa Caloocan, halina’t panoorin sa inyong campus ang natatanging programang pagpapamalas ng talento ng iba’t ibang grupong pangkultura sa pamamagitan ng “Salubong sa Mag-aaral” na palatuntunan sa linggong ito ng UE Office of Cultural Affairs (OCA)!

Mapapanood sa programang ito ang apat ng cultural groups ng UE OCA: ang UE Silanganan Dance Troupe, ang UE Drama Company, ang UE Chorale at ang UE Band!

Tunghayan sila sa UE Manila ngayong Miyerkules, alas-dose ng tanghali, ika-14 ng Agosto 2024, sa UE Theater, at ngayong Huwebes, ika-15 ng Agosto 2024, ala-una ng hapon, sa UE Caloocan Gym!

Libre ang pagpanood nito para sa inyo, mga Mandirigmang Mag-aaral!

Ingat at maraming salamat at kayo’y naririto kung saan magsisimula ang inyong kinabukasan: sa Pamantasan ng Silangan!